VUE թեստավորում

VUE թեստավորման կենտրոն

Pearson VUE (Virtual University Enterprises) ընկերությունը ստեղծվել է 1997 թ-ին և Pearson Education համաշխարհային ճանաչում ունեցող կորպորացիայի մասնաճյուղն է: Այն առաջարկում է Microsoft, Cisco Systems, CompTIA և մի շարք այլ արտադրողների (47 ընկերութուն) ծրագրային փաթեթների համակարգչային սերտիֆիկացված տիրապետման թեստավորում։
Virtual University Enterprises համակարգում գործում են 3700 սերտիֆիկացված թեստավորման կենտրոն 150 երկրներում։ Թեստավորման կենտրոնը հնարավորություն է տալիս ՏՏ մասնագետներին թեստավորում անցնել և հաստատել իրենց որակավորումը տեղեկատվական տեխնոլոգիաների ոլորտում։

2002 թ-ից Արմինկո ընկերությունը Հայաստանում Pearson VUE ընկերության միակ պաշտոնական ներկայացուցիչն է։ Թեստավորման կենտրոնում ավելի քան 200 հավակնորդ արդեն իսկ հաստատել են իրենց որակավորումը։
2006 թ-ից թեստային կենտրոնում հնարավոր է հանձնել ամենապահանջված քննություններից մեկը՝ GMAT քննությունը, ինչն ազատում է հավակնորդին արտասահմանյան ԲՈՒՀ ճանապարհորդելու անհրաժեշտությունից։

Թեստային կենտրոնում քննություն հանձնելու իրավունք ունեն նաև արտասահմանյան քաղաքացիները: Իրանի քաղաքացիներին քննություն հանձնելու համար անհրաժեշտ է ներկայացնել ՀՀ–ի կացության քարտը։

Ավելի մանրամասն տեղեկությունների համար այցելեք կենտրոնի կայքը՝ www.testing.am.