Արմինկո ցանցը

Արմինկո ցանցը հիմնված է երեք օպտիկամանրաթելքային օղակների վրա, որոնցով ապահովում է Երևանի ծածկույթը՝ հյուսիսից հարավ և արևելքից արևմուտք: Ցանցը անընդհատ ընդլայնվում է։ Օպտիկամանրաթելքի երկարությունը կազմում է 1000 կապուղի*կմ։ Առանցքային ցանցի թողունակությունը կազմում է 1 Գբիթ/վրկ՝ օգտագործելով է CISCO Systems ընկերության սարքավորումը։ Ինտերնետին միացման գումարային թողունակությունը կազմում է 42 Մբիթ/վրկ։

Արմինկո ցանցին հասանելիությունը ապահովվում է ռադիոմոդեմային ցանցի միջոցով. հանգույցները տեղադրված են Երևան, Գյումրի, Վանաձոր, Արմավիր, Աշտարակ, Արարատ, Վարդենիս, Սևան, Մարտունի, Գավառ, Եղեգնաձոր և Վայք քաղաքներում։ Մարզերի հետ կապն ապահովվում է ինչպես Արմինկոյի ռադիոկապուղիներով, այնպես էլ ԱրմենՏել ընկերության TAOS հանրապետական ցանցի վարձակալված թվային կապուղիներով։

Արմինկո ցանցի հետ կապը հնարավոր է հաստատել ԱրմենՏել ընկերության ընդհանուր օգտագործման հեռախոսացանցի միջոցով, որի հետ Արմինկոն ունի 20 E1 կապուղով միացում, որոնցով կապվում են Dial-up համակարգից օգտվողները։ Արագագործ կապի համար օգտագործվում են նաև ԱրմենՏելից վարձակալված հատկացված գծերը. միացումը ապահովվում է DSL  մոդեմների միջոցով։

Արմինկո ցանցում Օգտվողին հասանելի տեղական կապի թողունակությունը IEEE 802.3 ստանդարտի հիման վրա աշխատող օպտիկամանրաթելքային մալուխով միացման դեպքում կազմում է 10 Մբիթ/վրկ, ITU G.shdsl ստանդարտի հիման վրա աշխատող DSL միացման համար կազմում է 2 Մբիթ/վրկ, IEEE 802.11b ստանդարտի հիման վրա աշխատող ռադիոմիացման համար նույնպես կազմում է 2 Մբիթ/վրկ:

Արմինկո ցանցը միացված է NetSys, Cornet, Web, Xalt (Xternet Network), ADC ընկերությունների և Freenet ցանցերին։

Արմինկո ցանցում տեղադրված են ավելի քան 1000 Վեբ ռեսուրսներ: